【#玉石101】

人人都知道烏龜代表長壽同健康，不過龜喺中華文化嘅意義遠遠多於此。《禮記》入面指出四靈獸係龍、鳳、麟、龜，細心嘅你應該發現，得龜喺生活喺現實嘅生物，就知佢地位幾高。古人因為烏龜長壽、上圓下方嘅體型，認為佢哋係識得同天地鬼神溝通，所以龜殻成日畀人用作占卜工具，亦慢慢建立咗「吉祥」同「吉瑞」嘅象徵。玉器講意頭，亦成日用諧音生意，所以烏龜經常會同葫蘆齊齊出現，有「福祿雙全」嘅喻意。