【#玉石101】

老鼠造型嘅玉器，原來唔只有生肖嘅意義㗎～雖然老鼠喺文明社會入面唔多受歡迎（米奇除外啦），但因為老鼠繁殖力強大，適應能力又極強，自古以嚟就係一種重要嘅物種，見佢排喺十二生肖首位就知。另外，喺玉器入面，鼠同龍依對好似完全唔關事嘅組合仲會經常出現，原因係鼠代表子時，龍代表辰時，亦即係由午夜到清晨嘅時間，由漢代開始興起嘅「子辰」玉珮，正正有保護佩戴者安然道過晚上，甚至有望子成龍嘅意思。