【#玉石101 】
之前講咗好多關於玉石嘅結構，包括結晶大小、礦物結晶嘅結合方式等等，都會影響價格。今次講下另一個會影響價格嘅元素——「種」。「種」有兩類分法，一個係關於玉石嘅廣義種類，另一個講緊嘅係玉石嘅透明度，透明度愈高，價值就會愈高。如果覺得玉石識得發光，係因為光線可以輕易穿過玉石，產生光澤同水潤效果，經常聽到嘅「玻璃種」就係透明度極高嘅玉石，其次係「冰種」，然後係「芙蓉種」等等。專業人士會用聚光燈測試光可以穿過玉石嘅深度，再評定「種」嘅級別。