【#玉石101】

點解會將瑪瑙同玉髓放埋一齊講？因為佢哋都係出自以二氧化矽為主要成分嘅礦物，亦即係石英，所以就算有個玉字，佢哋嘅成分都同玉有好大差別，只可以話係玉石嘅一種。而瑪瑙同玉髓嘅差異就係外觀上面，瑪瑙通常有條帶狀嘅紋理，而玉髓雖然冇清晰條紋，但經常會含有少量鐵或者鎳嘅雜質，顏色可以五彩繽紛，但一般比碼瑙通透。

瑪瑙同玉髓喺一億年前經由噴出嘅火山岩漿形成，內部會有水同大大小小嘅氣泡，佢哋好早就作為玉石被人類使用，製作手鍊、項鍊、吊墜等飾物又或者各種雕刻，可以話係人類史上最古老嘅玉石品種之一！講起瑪瑙原來有一種特別嘅加工手法，就係拎去焗！利用高溫令礦石呈現均勻嘅深褐色、紅褐色，又或者黑褐色，而且暫時仲未有好準備嘅方法分出焗過嘅瑪瑙，大家購買較深色嘅瑪瑙時就要注意喇！