【#玉石101】

原來古代人覺得蝙蝠其實係老鼠2.0，即係多咗對翼，甚至以為老鼠如果活到100歲就會變蝙蝠，所以蝙蝠喺古代又叫「服翼」或者「飛鼠」。但點解外型咁唔討好嘅生物會成為好意頭嘅頭號代表？無錯，中國人真係好鍾意諧音，「蝠」同「福」同音就足夠令蝙蝠成為人氣吉祥物，唔止會單獨出現，仲會同壽桃、靈芝、古錢等物件組成「福在眼前」、「福至心靈」、「五福捧壽」等等喻意。