【#玉石101 遠離化學物質】

所有自然翡翠都係獨一無二，相信大家都會非常珍惜自己嘅玉器首飾，但你又有冇諗過，日常一啲生活習慣，可能會令你平日做嘅保養前功盡廢？

 

翡翠嘅顏色同光澤，除咗取決於天然礦石成份，亦會被不同化學成份改變，所以玉器行一般都只建議大家用軟布同清水清潔玉石，千祈唔好用化學清潔劑。如果你平日有噴香水嘅習慣，就要小心唔好噴到玉器同戴配玉器嘅位置，否則好可能會令首飾出現變色、褪色，又或者失去光澤。

 

另外，人體汗液含有氯化鈉、鉀、鈣、尿素、乳酸同胺基酸等物質，建議運動又或者大量流汗時先除低玉器，都可以幫助玉器長久保持原有色澤㗎！