【#玉石101】

近年市場上多咗一種新興玉石，就係「象牙玉」。好多朋友第一次見到，都會以為係白玉，其實佢係來自西藏嘅玉石，價錢唔算高，譬如圖中嘅細佛公，可能300蚊已經有交易。

象牙玉最大特色就係質地夠細，色澤純白，唔透明，望落好似象牙咁，摸上手仲有種沉實嘅感覺。佢嘅成份係硅質碳酸鎂，硬度大概6到6.5，比起一般軟玉略硬。因為表面夠細膩，冇乜顆粒感，加上帶象牙光澤，雖然價錢平，但用嚟雕佛像、首飾都可以做到高貴嘅感覺，所以雖然收藏價值唔高，但買嚟戴下玩下，都係唔錯嘅選擇～