【#玉石101】

【藍得咁吸睛，綠松石你識幾多？】

綠松石，又叫「土耳其玉」，其實唔係土耳其出產，而係以前波斯（即依家嘅伊朗）啲經土耳其將綠松石賣去歐洲，所以先咁叫。呢種玉顏色非常迷人，介乎藍同綠之間，「綠松色」就係以佢嚟命名㗎啦！唔單止靚，佢仲有千年歷史～古埃及人當佢係神聖象徵；印第安人信佢代表藍天大海，有護身力量；波斯人當護身符用；喺中國，綠松石仲係「四大名玉」之一，清朝時得皇帝同太后先可以戴喺官帽上，夠晒尊貴。產地除咗湖北、新疆，仲有伊朗、埃及、美國等地。靚得嚟又有文化底蘊，係咪有啲心動呢？