【#玉石101】

紫袍玉當然就有紫色嘅特徵，但其實佢仲要溝埋白、黃、褐等顏色，唔同顏色仲會以帶狀或者條狀咁相間分佈，色彩平行，都幾容易辨認㗎！亦因為咁，紫袍玉亦叫做紫玉、彩玉或者紫袍帶玉，喺玉器市場都幾常見。

雖然佢唔係咩名貴玉石，但中國傳統文化入面有「紫氣東來」嘅說法，所以紫袍玉一直都有吉祥同加官進爵嘅寓意，觀賞價值亦唔錯。紫袍玉一般會用嚟做各種手工雕刻工藝品，好似人物、佛像、山水、茶具、文房四寶等等。