【#玉石101「硬玉」同「軟玉」 】

經常聽到「硬玉」同「軟玉」，其實佢哋係屬於兩個礦石種類，前者係由極細粒鹼性輝石組成嘅「輝石玉」，即係大家口中嘅輝玉；後者就係由極小嘅纖維狀角閃石組成嘅「角閃石玉」，又叫閃玉。

 

「硬玉」其實冇改錯名，以莫氏硬度計算，佢嘅硬度有6.5～7，軟玉就係6～6.5。無錯，你可能已經發現，單計軟硬度，兩種玉石其實不相伯仲。不過講到承受撞擊力，原來軟玉擁有眾多礦石中數一數二嘅韌度，甚至比鑽石更高，佢哋嘅纖維束狀交織嘅結構，令到佢哋可以承受更大嘅撞擊力。

 

如果軟玉同硬玉受到相同角度同力度嘅衝擊，率先粉身碎骨嘅，絕對係硬玉！