【#玉石101】

玉器唔止係名貴嘅寶石，喺華人社會同文化入面仲有好高嘅地位。古時有學生問孔子點解玉石比一般漂亮嘅石頭重要，孔子就話玉石嘅地位唔單止因為佢嘅產量少，仲因為玉石擁有溫潤、晶螢、堅硬、紋理細密等等嘅特質，仲將依啲特質比喻為君子擁有嘅十一個方面嘅德行：仁、智、義、禮、樂、忠、信、天、地、德、道。可見好耐之前玉石已經有高潔嘅象徵，地位亦都比其他寶石高。