【#玉石101】

之前同大家講咗有關古玉拍賣嘅價值，如果大家都想收藏玉器，就要記得唔好盲目亂買，識得玉器種類，係重要嘅第一步！軟玉主要產自中國，最出名當然係新疆嘅和田玉，呢啲玉溫潤如脂，好似羊脂一樣滑溜，喺古代皇宮貴族圈超受歡迎。另一邊廂，硬玉即係翡翠，主要來自緬甸，清朝時候，慈禧太后簡直對翡翠癡迷，靚色翠綠，好搶眼！

再嚟就要分唔同時代，例如良渚文化嗰啲玉，設計獨特又有歷史價值；西周到漢代，多數係宗教禮儀用品，咩璧、琮、瑗、璜，講求意義；到咗明清時代，就開始玩雕工、玩美感，睇落更精緻。學識分辨唔同種類同時代嘅玉，先可以唔會畀人呃！