【#玉石101】

玉石除咗係裝飾同工藝品，古代亦會用於禮儀祭典，其中用「玉琮」係由玉石製成嘅儀式杯，最高可達 30 厘米，最寬就有 15 厘米。不過佢嘅用途到依家都依然眾說紛紜，不過普遍認為玉琮「外方內圓」嘅造型，係反映了中國古代「天圓地方」嘅宇宙觀，有通天通神嘅功能。加上玉琮多數喺大型墓穴出土，同玉璧、玉鉞等等禮器一同陪葬，係當時居民用嚟祭祀神祇祖先嘅重要禮器。