【#玉石101】

之前講到明清玉牌，相比明代多以長方形開框為主，去到清代，玉牌嘅雕工已經去到極致，形制多變，除咗傳統長方形，仲有圓形、橢圓形等，工藝上更加大膽創新，用上通身滿雕、鏤空雕、高浮雕等複雜技法。以圖中乾隆年間心「白玉鏤雕夔龍鳳紋長宜子孫珮」為例，用上鏤雕、透雕、線刻等工藝，上半部係雙夔龍拱珠，下半部係鏤雕龍鳳環繞璧形，融合喺圖案入面嘅「長宜子孫」四字，係以打鑽配合搜弓線接鏤刻，再經過凹挖、打磨同拋光，線條婉轉細緻。整件玉牌不單止玉質溫潤，雕工上更花盡心思，代表住乾隆時期玉器工藝嘅頂峰水平。