【#玉石101】

清代玉牌承接咗明代基礎，乾隆年間達到頂峯，技藝細緻又講究。當時宮廷仲設咗造辦處，集合咗大量高手玉匠，特別鍾意製作祥瑞圖、山水人物，加埋詩文，成件玉牌非常精緻。民間方面，文人風格就更盛，受文人畫影響，山水、花鳥、人物故事樣樣齊，特別係江南地區嘅「蘇作牌」，以構圖精巧、雕工細膩見稱，極有文人氣息。蘇作繼承咗陸子剛一派嘅風格，係民間玉雕代表。整體嚟講，清代玉牌融合宮廷華貴同民間自由，風格多元，成為玉器發展嘅重要一頁！