【#玉石101】

明清時期係中國玉藝術嘅高峰期，特別係明代嘅玉牌珮，融合咗書畫元素，散發住獨特嘅魅力。明代玉牌之所以興起，主要同文人階層興盛有關，好似由蘇州玉匠陸子剛開創嘅「子剛牌」，將玉牌分成上下兩部分，上面做咗個牌首，下面開個框，框入面一邊雕山水人物或花鳥，另一邊就刻詩文書法，構圖優雅，好有書畫味。

呢啲玉牌唔單止係裝飾品，仲象徵住文人嘅身份同品味。玉器喺明代開始擺脫宗教禮儀功能，變成文人寄託思想同情感嘅物信，甚至是信物，影響咗江南一帶嘅玉藝風格。