【#玉石101】

之前講到要成為玉器收藏家，就要提升自己對玉石，甚至歷史、文化同藝術嘅知識。如果想知道點樣評價一件收藏級玉器，最好方法就係參考拍賣市場藏品，因為進入到拍賣市場基本上已經過五關斬六將，品質有保證之餘，仲可以觀察到市場動態。

圖中嘅高古玉「白玉帶沁鳳凰」去年就以1,863萬成交。鳳凰身上嘅羽翼同鱗片雕功細緻，長尾展開，肚下仲雕咗雙爪。除咗造工一流，如果參考漢代同期嘅鷹同鳩造型嘅玉器，就會發現漢人將鷹喙部同眼部，仲有鳩嘅肩頸部羽紋特徵移植到鳳凰身上，通過累積觀賞玉器嘅經驗，就可以喺藝術品上感受到時代嘅痕跡。