【#玉石101】

股市大起大落，其實玉器市場都一樣，亦都唔係所有玉都會值錢㗎～

玉器價值受市場影響，好似幾年前大家追明清玉，價錢炒到飛天，之後又轉個彎輪到唐宋時期嗰嘅古樸風格，近年就興早前介紹過嘅「高古玉」。市場風向對玉器價值有著絕對嘅影響。另一樣係產量，例如和田玉嘅存量愈嚟愈少，價格年年攀升，一塊優質和田玉嘅價值依家已經超越一般翡翠。

人為操控，亦即係炒作亦都會短期影響玉石價格，所以玉石絕對唔係「愈貴愈好」，大家收藏玉石時應該自己鍾意，又或者研究一下佢嘅文化意涵同工藝水平，咁樣先領略到收藏玉器嘅樂趣～