【#玉石101】

玉石雖然堅硬，但唔代表唔會爛！收藏玉器要識得保養，做齊以下兩招，就足夠可以令古玉以至一般配飾歷久常新！

💥避免撞擊

玉石受到撞擊雖然未必會爛，但好可能會出現肉眼睇唔到嘅花痕，甚至係裂紋，影響價值之餘，仲可能令玉石變得脆弱。所以放玉器最好用軟布包住，假如係雕工細緻或者有棱角嘅玉器就最好用盒儲存，唔好亂擺呀！

🫧適當清潔

如果係佩戴用嘅玉器，汗水會影響玉石表面光澤，但千祈唔好用化學物品清潔，簡單用清水沖一沖就可以，如果表面有污跡，軟毛刷輕輕刷洗就搞掂，刷時千萬唔好用力過萬造成花痕。