【#玉石101】

雀仔識飛，古人見到當然覺得佢哋好勁，飛得咁高可以接通天地，所以唔少神話入面都有鳥嘅出現。〈詩經．商頌．玄鳥〉就講到殷商嘅起源係因為「玄鳥」嘅出現。玉器亦都經常用到各種雀鳥，除咗用雀鳥飛行產生靈動嘅感覺，各種鳥類背後都有不同喻意，例如燕子就被當成春天嘅化身，代表新生命，仲成日出現喺春聯入面。唐代亦相傳夢見燕子飛入懷中代表生子，「玉燕投懷」就係祝人早生貴子。所以玉燕好適合送畀新婚人士。