【#玉石101】

遊客嚟到香港要買玉器，依家會去油麻地嘅玉器街同玉器市場。其實以前嘅玉器生意喺香港成行成市，原因係二戰同內戰期間，唔少玉石師傅逃難嚟香港，慢慢培訓咗一班本地嘅玉石師傅。當時唔止漁民為求出海平安而配戴玉石，香港玉器仲會出口去美國、日本、柬埔寨等地方。上世紀中嘅玉器生意集中喺廣東道一帶，每日都迫滿好多小攤販，靠買賣玉器養活一家人。直至1984年，政府為安置依批攤販喺甘肅街開設玉器市場，當時場內就集中咗400個攤檔，可以想像場面幾墟冚，可惜最後都係逃唔過時代改變同拆遷嘅命運。