【#玉石101】

你以為你已經夠了解玉石同礦石？最近日本東京大學嘅團隊，就喺岡山縣採集嘅翡翠入面，搵到一種前所未有、帶綠色嘅黑色新礦物！呢種礦石同平時見到嘅翡翠好唔同，佢嘅化學成份非常特別，含有鍶、鈦等元素，比例都係從未見過嘅。最得意嘅係，佢嘅晶體結構竟然有「雙重性」，科學家就因為呢個特點，聯想起日本神話中「天照大神」同時擁有溫柔嘅「和魂」同剛烈嘅「荒魂」兩種面向。為咗向日本嘅石文化致敬，就將佢命名為「天照石」，係咪好有意思呢～

呢個咁有故事嘅發現同命名，已經正式得到國際礦物學聯合會嘅批准，成為礦物界認證嘅新成員喇！唔知之後會唔會成為埋玉石嘅成員呢？