【#玉石101】

古玉一直有價有市，其中「高古玉」更加係唔少拍賣會上嘅星級商品。「高古玉」即係中國漢朝或以前嘅玉器，香港佳士得早幾年都搞過幾次相關主題嘅拍賣會，由新石器時代，到夏商周，一直拍賣到春秋戰國。上年嘅秋季拍賣會上，高古玉再顯身價，一塊東漢中期「玉『延年』璧」就以超過估值25倍嘅2,518萬港元成交！

依塊古玉璧已經有近1,900歲，但依然保存得好好，亦顯示咗當年一流手工，上面鋪滿乳丁紋，頂部鏤刻咗「延年」兩個字，左右仲有一對帶翼瑞獸守護，唔止睇得，仲充滿吉祥意思～