【#玉石101】

東陵石又稱東陵玉，是以二氧化矽為主的石英岩玉石，質地細膩、色澤均勻，常見有油綠、碧綠等等嘅顏色，微透明帶玻璃光澤，外觀同翡翠都幾似㗎。另外由於硬度高、產量大、價格親民，被稱為「印度玉」或「印度翡翠」。

不過，東陵石並不具備翡翠的天然結構與價值，我諗你都估到，唔少商人會用嚟假冒翡翠，行內人一般可憑質感、重量分辨真偽。東陵石手感輕巧，價格同翡翠可以相差十至以至數十倍以上，選購嘅時候千祈唔好畀佢翠綠色澤迷惑，要睇清楚先好入手！