【#玉石101】

翡翠每年都有一定產量，但頂級翡翠同頂級寶石一樣可遇不可求，近年翡翠新貴非「帝王綠」莫屬。現時寶石市場有三種天價顏色，「鴿血紅」紅寶石、緬甸「皇家藍」藍寶石，以及約十年前加入嘅「帝王綠」翠翡，三種都產自緬甸，屬於嗰個界別最頂尖嘅分類。唔好以為綠得好睇就可以叫「帝王綠」，要加上依個稱號，就要經過寶石實驗室嚴謹鑑定，喺顏色、淨度同切工等評分都達至頂級先配得上「帝王綠」。

咁究竟「帝王綠」有幾天價？2020年一條「帝王綠翡翠配鑽石項鏈」就以6,300萬港元成交，上年保利香港嘅璀璨珠寶及名貴鐘錶專場上，一副「天然帝王綠翡翠手鐲」就以6,00萬港元成交！