【#玉石101】

萬獸之王獅子，喺玉石文化入面並唔係代表威猛霸氣，相反依種由西亞地區傳入中原嘅猛獸經常出現喺佛教經典裡面，更係佛陀嘅象徵，好似文殊菩薩就成日騎住獅子登場，所以玉獅子就有避邪驅魔、平安吉祥嘅喻意。玉器入面亦有另一個常見嘅獅子主題，就係「母子獅」，有說因為獅子同「世子」同意，亦有說母子獅隱喻「太師少師」，有祝願佩戴者子嗣昌盛、仕途順利嘅意思。