【#玉石101  信眼光不如信保障】

講咗咁多A貨B貨C貨嘅分別，但如果你唔係專家，又或者冇儀器喺手，普通市民分辨唔同貨色的確係有難度嘅。不過，我哋都可以靠以下幾個方法確保玉石嘅保質：

 

1）天然翡翠標誌 ✅ 佢係由海關同香港珠石玉器金銀首飾業商會一齊推出嘅商戶認證計劃，本地認受性非常高，擁有標誌嘅商戶出售嘅翡翠產品較有保證；

2）鑑定證書 ✅ 如果玉器較昂貴，建議經香港玉石鑑定中心進行鑑定，證書會列明玉器是否A玉，以及有冇植入樹脂；

3）信譽店舖 ✅ 坊間愈來愈多玉器銷售途徑，網上商店亦成行成市，選擇有門市嘅店舖除咗可以親手睇親手摸下心儀玉器，有事亦方便追討，信心自然高一籌；

4）收據加註 ✅ 如果你購買嘅係天然翡翠，不妨要求銷售嘅商戶喺收據上列明產品為「天然翡翠」或者「A玉翡翠」，假如最後發現商品唔係A玉，可以大大提高索償成功機率。