【#玉石101 】

上次講完龍，今次就講下另一種喺玉石首飾一樣好常見到嘅生物——魚。提到魚代表嘅好運同意頭，我哋應該會諗起「連年有餘」嘅諧音，但其實魚最初嘅吉祥意思豐富好多。魚形器具喺中國新石器時代已經出現，對當時嘅人嚟講，魚係一種多產同重要嘅食物來源，同人類嘅生命息息相關，自然帶住同依家好唔同嘅祝福同寓意。如果生物背嘅寓意改變，咁一件飾物嘅意義係咪都會跟住改變呢？