【#玉石101】

中國自古就有不少玉器藝術品，但當中又以清代出土嘅玉器觀賞價值最高，因為乾隆年間平定咗新疆，朝廷獲得大量優質和田玉原料，仲實施埋貢玉制度，源源不絕嘅玉石供應將當時嘅玉器藝術發展推向咗頂峰。最近北京故宮博物院推出咗100周年首展：玉出昆岡——清代宮廷和田玉文化特展，喺館藏入面精挑細選咗258件精品嘅和田玉器，包括圖中故宮現藏最早、出產自海拔3500米以上山脈嘅漢代和田玉籽料器「白玉辟邪」，仲有好多清代嘅頂級工藝品，唔止欣賞到當年嘅藝術成就，仲可以一覽和田玉喺中國嘅發展。