【#玉石101  可以陪你一世先係好玉】

上次講到A貨（A玉）同B貨（B玉）嘅分別，前者最天然，後者就經化學成份浸漂清理雜質，而C玉就係利用人工方法進行染色，強行將冇色嘅翡翠變成顏色翠綠，甚至加入鮮豔嘅顏色嘅玉器，基本上已經同原石嘅本質相去甚遠。

 

而大家唔少機會聽到嘅B+C玉又係啲咩嚟？無錯，顧名思義即是玉石既經過化學漂洗去除雜質，同時又經過染色，可謂雪上加霜。

 

隨住技術改進，唔少C玉或者B+C玉嘅顏色已經幾可亂真，不過經驗豐富嘅專家憑肉眼或者儀器檢測依然可以分辨得出，而且隨住時間流逝，加工過嘅玉器較容易出現不自然嘅變色，唔止毫無收藏價值，亦唔係戴一世嘅好選擇。