【#玉石101】

依家講起玉石，大家可能腦海中可能都會出現綠色翡翠，但翡翠喺中國地區嘅普及時間其實唔算太長。由於產地同疆域嘅限制，古時中土地區出現嘅玉石製品，係以新疆和田地區出產嘅闐玉／和田玉為主，距今已有幾千年歷史。而現時普及嘅綠色翡翠，就要等到清朝擴大版圖後，喺雲南緬甸開採翡翠礦石。

所以見到翡翠或者綠色碧玉琢成嘅玉器，幾乎可以肯定係清中葉以後嘅玉器。